Your browser version is outdated. We recommend that you update your browser to the latest version.

Mäin Numm ass Claudine Bausch an ech sinn vu Formatioun Ergotherapeutin.

Privat sinn ech sportlech ganz aktiv: ech ginn gären Lafen an sinn och soss vill an der Natur ënnerwee.

Virun e puer Joer hunn ech  den Trainerschäin an der Liichtathletik gemaat.

Éier ech selwer Mamm gi sinn, war ech  Trainerin bei deenen Klengen zu Diddeleng am Handball an an der Liichtathletik.

D'Idee fir mäin Beruff mat mengem Hobby ze kombinéieren hat ech scho méi laang, 2015 hunn ech mech dann endlech getraut dësen Schrëtt ze woen.

Mam Ziel de Kanner d'Loscht un der Beweegung ze vermëttelen, bidden ech Cours'en un, wou mir zesummen aktiv sinn an déi Kleng sech ob spilleresch Aart a Weis kenne weiderentwéckelen.

Och déi jonk Mammen well ech motivéieren fir nees sportlech aktiv ze ginn an hinnen domat och d'Méiglechkeet ginn eng Auszäit zu hirem Alldag ze kréien andeems si eppes fir sech maen.

Ausserdeem well ech de Kanner d'Natur erëm méi no bréngen. Abseits vun all Technologie sollen si léieren Spaass an der Natur ze hunn an d'Méiglechkeet kréien auszeprobéieren.